«Ужо ёсць прыкметы панікі ў Крамлі»

Пуцін не чакаў такой вайны.

Згодна з рэйтынгам выдання Politico, расейскі дыктатар Пуцін прызнаны галоўным недалугам 2024 года, бо Расея страціла свае базы і ўплыў у Сірыі, а таксама не змагла дасягнуць ваенных мэт у вайне супраць Украіны. Кіраўніку Крамля вельмі цяжка змірыцца з фактам сваёй няўдачы.

Такое меркаванне ў эфіры "24 Канала" выказаў журналіст Evening Standart Робэрт Фокс, адзначыўшы, што ў лютым 2022 года Пуцін дакладна не думаў, што поўнамаштабная расейская ўзброеная агрэсія абернецца працяглымі баявымі дзеяннямі.

Фокс мяркуе, што Пуцін не зможа на карысць сабе згуляць на сваіх стасунках з новым прэзідэнтам ЗША Трампам. Бо наўрад ці гэта будзе так проста, як расейскі дыктатар мог уявіць сабе паўгода таму.

«Няўжо ён думаў, што гэтая вайна працягнецца 3 гады? Цалкам відавочна, што не. І мы ведаем, як рыхтаваліся расейскія войскі, уключаючы форму для параду перамогі за 10 дзён. Значыць, нешта пайшло не так», - агучыў Фокс.

Цяпер правадыр Крамля, са слоў журналіста Evening Standart, робіць стаўку на цяжкае ўзбраенне і вялікую колькасць салдат, якія ціснуць на ўкраінскія Сілы абароны ўздоўж фронту.

«Але тое, што за гэтым стаіць, будзе вельмі цікавым. Таму што мы толькі зараз пачынаем бачыць у Маскве што да эканомікі і таго, як дзейнічае Крэмль, некаторыя прыкметы панікі», - адзначыў Фокс.

Эканоміка Расеі да лета можа апынуцца пад магутным ціскам

Журналіст Evening Standart зазначыў, што ў Расеі няўхільна расце інфляцыя. Яна, паводле ягоных слоў, хутка пачне рухацца ў вельмі паскораным тэмпе. Ён таксама заўважыў, што ключавая стаўка ў Расеі - у межах 21%, аднак складана зразумець, колькі яна складае напраўду. Яна, на ягоную думку, можа дасягнуць і 23 адсоткі.

«Эканоміка Расеі знаходзіцца пад ціскам, і мы ўбачым, калі Расея не зможа знайсці нейкую чароўную пастанову, то да лета яна зведае рэальны прыгнёт. Ёсць шмат розных прычын: дэмаграфічны ціск, занятасць насельніцтва, пытанне вайсковай прамысловасці», - агучыў Фокс.

Акрамя таго, паводле слоў Фокса, варта прымаць да ўвагі і становішча супольнікаў Расеі, якія пацярпелі няўдачу, дыктатар Башар Асад, чыя ўлада была зрынутая паўстанцамі ў Сірыі і які быў вымушаны ўцякаць ў Маскву.

Журналіст Evening Standart выказаў здагадку, што Расея ў найбліжэйшыя 2-3 месяцы паспрабуе нанесці ўдар па Украіне, дзейнічаючы сваім звыклым спосабам - атакуючы цывільнае насельніцтва.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com