СМІ: У Венесуэле арыштавалі групу замежных «наймітаў»

Мадура заявіў аб падрыхтоўцы замаху на ягонае асяроддзе.

У Венесуэле ў аўторак, 7 студзеня, арыштавалі семярых замежных «наймітаў», якія нібыта планавалі тэрарыстычныя акты напярэдадні інаўгурацыі прэзідэнта Нікаласа Мадуры. Сярод іх ёсць грамадзяне Украіны.

Пра гэта паведамляе агенцтва EFE.

Са слоў Мадура, сярод затрыманых - два чалавекі з ЗША, двое з Калумбіі і трое - з Украіны.

"Сёння мы захапілі семярых замежных наймітаў, у тым ліку двух важных амерыканскіх наймітаў", - заявіў прэзідэнт.

Улады Венесуэлы сцвярджаюць, што затрыманыя планавалі атакі на віцэ-прэзідэнта і міністра вуглевадародаў Дэлсі Радрыгес. Акрамя таго, затрыманыя нібыта планавалі "тэрарыстычныя акты" супраць дзяржаўных службаў і іншых "лідараў баліварыянскай рэвалюцыі".

Мадура таксама абвінаваціў урад Аргентыны ў датычнасці да падрыхтоўкі замаху на Радрыгес і назваў яе часткай "міжнароднай фашысцкай агрэсіі", накіраванай супраць Венесуэлы.

Са слоў Мадуры, гэтая група «наймітаў» з'яўляецца дадаткам да 125 асоб 25 нацыянальнасцяў, затрыманых у лістападзе і снежні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com