УСУ паралізавалі кіраванне расейскай групоўкі «Курск»

Падраздзяленні генерала Лапіна засталіся без цэнтралізаванага кіраўніцтва.

Сілы абароны Украіны паспяхова атакавалі камандны пункт УС РФ «Курск», які знаходзіўся ў горадзе Рыльску.

Яшчэ адзін камандны пункт акупацыйнага войска РФ выведзены са строю. Высокадакладным ударам паспяхова быў атакаваны штаб групоўкі войскаў «Курск». Інфармацыю афіцыйна пацвердзіў Генштаб УСУ на сваім канале ў Telegram.

Інфармацыі пакуль мала. Вядома, што ўдар быў нанесены 31 студзеня. Генштаб назваў аперацыю «высокадакладнай і скаардынаванай».

«Гэтая аперацыя – частка сістэмнай працы ў знішчэнні камандных пунктаў ворага, пазбаўленні яго магчымасцяў каардынаваць баявыя дзеянні і лагістыку», – паведамілі вайскоўцы.

Яны ўдакладнілі, што праца ў ліквідацыі сістэмы кіравання УС РФ будзе прадоўжаная. Гэта дазволіць знізіць наступальны патэнцыял акупантаў.

Дэталі аперацыі раскрыў украінскі журналіст, ваенкар Андрэй Цапліенка. «У выніку ўдару па пункце кіравання групоўкі “Курск” расейскага войска ягоная праца, наколькі вядома, цяпер паралізаваная. На некаторы час падраздзяленні, якія знаходзяцца ў гэтай групоўцы, засталіся без эфектыўнага ўзгаднення дзеянняў», – паведаміў Цапліенка.

Ён удакладніў, што групоўка падкантрольная камандзіру стратэгічнага кіравання «Поўнач» генерал-палкоўніку Аляксандру Лапіну.

Цяпер ён будзе вымушаны ўзяць на сябе непасрэднае кіраванне Курскім кірункам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com