Зрыў тэракту ў цэнтры Кіева: СБУ абясшкодзіла магутную бомбу

Затрыманая выканаўца.

У Кіеве арыштавалі 22-гадовую жыхарку Львова, якая спрабавала закласці бомбу на адной з цэнтральных вуліцаў сталіцы. Следства мяркуе, што зламысніца выконвала замову РФ. Дэталі рэзананснай справы 1 лютага былі апублікаваныя на канале Службы бяспекі Украіны (СБУ) у Telegram.

Паводле звестак следства, мэтай тэракту стаў будынак СБУ на адной з цэнтральных вуліцаў Кіева. У падазронай знайшлі бомбу магутнасцю 7 кг у тратылавым эквіваленце. У выпадку выбуху моцныя пашкоджанні атрымала б сілавая ўстанова. Таксама высокая верагоднасць вялікіх ахвяраў сярод выпадковых мінакоў.

«Для падрыхтоўкі тэракту расейцы дыстанцыйна завербавалі 22-гадовую нарказалежную з Львова, якая шукала хуткіх грошай на Telegram-каналах», – паведамілі ў СБУ.

Выконваючы ўказанні расейскага куратара, львавянка прыехала ў Кіеў і пасялілася ў кватэры побач з месцам выбуху, якую для яе загадзя арандавалі. Дзяўчына замацавала на балконе міні-камеру, каб расейцы маглі назіраць у рэжыме анлайн за вуліцай і месцам атакі.

Арыштавалі зламысніцу ў момант, калі яна, забраўшы бомбу са схованкі, вярталася ў арандаваную кватэру.

Дзяўчыне пагражае пажыццёвае зняволенне паводле трох артыкулаў Крымінальнага кодэкса: дзяржздрада (ч.2 арт.111), падрыхтоўка тэракту (ч.2 арт.258), а таксама незаконнае абыходжанне з выбуховымі рэчывамі (ч.1 арт.263). Цяпер яна знаходзіцца пад вартай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com