Адная малпа пакінула без святла ўсю Шры-Ланку

22 мільёны чалавек пазбавіліся электрычнасці.

Адная малпа ў нядзелю пакінула без электрычнасці ўсе 22 мільёны жыхароў Шры-Ланкі.

“У малпы адбыўся кантакт з трансфарматарам у нашай сетцы, што прывяло да ўзнікнення дысбалансу ў сістэме”, - так міністр энэргетыкі Шры-Ланкі Кумара Джаякодзі патлумачыў журналістам прычыны поўнага блэкаута, які здарыўся на выспе аб 11 гадзіне раніцы ў нядзелю, паведамляе BBC.

Трагічнае для малпы здарэнне адбылося на падстанцыі на поўдзень ад сталіцы Шры-Ланкі, Каломба.

Пасля гэтага падачу электрычнасці давялося аднаўляць паэтапна на працягу многіх гадзін, пачынаючы з медыцынскіх устаноў і водаачышчальных станцый.

Ланкійскія карыстальнікі сацсетак выдалі наконт гэтага здарэння процьму жартаў і з'едлівых рэплік на адрас уладаў.

“Адна малпа = поўны хаос. Можа, час падумаць пра інфраструктуру?” - напісаў у сетцы X карыстальнік Mario Nawfal.

"Толькі на Шры-Ланцы бойка купкі малпаў на падстанцыі можа прывесці да адключэння электрычнасці на ўсёй выспе", – напісала галоўны рэдактар мясцовай газеты Daily Mirror Джаміля Хусэйн.

У артыкуле, які выйшаў у панядзелак, гэтая газета нагадала, што спецыялісты гадамі казалі ўрадам, якія змянялі адзін аднаго, што сеткі ў краіне трэба мадэрнізаваць, інакш будуць адключэнні.

"Электрасеткі ў краіне – у такім стане, што варта чакаць адключэнняў па ўсёй краіне, нават калі непаладкі будуць толькі на адной з ліній электраперадач", – цытуе газета неназванага па імені інжынера.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com