Брытанская выведка назвала прычыну, праз якую Масква страчвае вайсковыя базы ў Сірыі
6- 10.02.2025, 14:19
- 16,670
Ёсць шэраг чыннікаў.
Крэмль спрабуе навязаць сябе ў якасці партнёра для новага кіраўніцтва Сірыі. Аднак Масква хавае Башара Асада, што перашкаджае перамовам.
Пра гэта паведамляе РБК-Украіна са спасылкай на Міністэрства абароны Вялікабрытаніі ў X (Twitter).
Як адзначаецца ў справаздачы, расейскія судны SPARTA II і SPARTA, 28 і 29 студзеня 2025 года пакінулі Тартус, стратэгічна важную вайсковую марскую базу Расеі ў Сірыі. Два грузавыя судны, хутчэй за ўсё, вяртаюць эвакуаванае абсталяванне і персанал у альтэрнатыўныя месцы базавання ўдалечыні ад Міжземнага мора ў суправаджэнні чатырох караблёў ВМС Расейскай Федэрацыі.
Са звестак брытанскай выведкі, перамовы паміж прадстаўнікамі расейскага ўрада і кіроўнай адміністрацыяй Сірыі, Хайят Тахрыр аш-Шам (ХТШ), што наконт будучыні расейскіх баз, амаль напэўна працягваюцца. Расея працягвае актыўна ўзаемадзейнічаць з ХТШ для развіцця сувязей і прасоўвання сябе ў якасці выгаднага партнёра.
«Аднак Расея знаходзіцца ў слабейшай пазіцыі на перамовах праз розныя чыннікі, уключаючы варожасць сірыйскага кіраўніцтва да былога сірыйскага дыктатара Башара Асада, які зараз хаваецца Расеяй», - гаворыцца ў паведамленні.
У той час як вайна з Украінай застаецца галоўным клопатам Расеі, захаванне прысутнасці ва Усходнім Міжземнамор'і амаль напэўна застаецца стратэгічным прыярытэтам для Расеі, дазваляючы ёй праецыраваць вайсковую моц у рэгіёне і падтрымліваць свае аперацыі ў Афрыцы.
«Заклапочанасць Расеі канфліктам ва Украіне, магчыма, знізіла яе сітуацыйную дасведчанасць у Сірыі, што паўплывала на яе здольнасць утрымліваць рэжым Асада ва ўладзе, тым самым падрываючы стратэгічныя інтарэсы Расеі на Блізкім Усходзе, у Міжземнамор'і і Афрыцы», - адзначаюць у Мінабароны Брытаніі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
