Паліна Шарэнда-Панасюк: Патрэбная жорсткая эканамічная блакада рэжыму Лукашэнкі

Санкцыі дзейнічаюць.

Актывістка грамадзянскай кампаніі «Еўрапейская Беларусь», былая палітычная зняволеная Паліна Шарэнда-Панасюк правяла першую прэс-канферэнцыю ў Вільні. Вядомая апазіцыянерка заклікала ўзмацніць ціск на лукашэнкаўскі рэжым і адмовіцца ад ідэі перамоў:

- Калі я чую аб перамовах з Лукашэнкам, мне становіцца смешна. Лукашэнка - не самастойная фігура ў Беларусі, гэта расейская марыянетка. Яму дазваляецца ў пэўных межах нешта крычаць, варушыць сваімі бровамі. Але я ўпэўнена, што ў пытаннях беларускага нацыянальнага руху, да якога я сябе залічваю, гэта ўжо прэрагатыва Расеі. Калі са мной здымалі прапагандысцкае інтэрв'ю, разам з беларускімі прапагандыстамі прыязджаў расеец, ён іх курыраваў.

Тое, што я выйшла, гэта не вынік перамоў, а менавіта тое, што даціснулі да пэўнага пункту. Санкцыі дзейнічаюць, я гэта разумею з размоў з тымі людзьмі, якія абураныя гэтымі санкцыямі. Яны для іх вельмі балючыя. Калі мы зноў адмовімся ад санкцый, не даціснем рэжым, то гэта значыць, што будуць з'яўляцца ўсё новыя і новыя палітвязні: 10 выпусцілі, а 20 пасадзілі за краты.

Калі скасуем санкцыі, рэжым зразумее, што гэта тактыка: трэба браць закладнікаў, а потым імі гандляваць. Палітвязні стануць таварам.

Думаю, што патрэбная жорсткая эканамічная блакада рэжыму. Чаму да гэтага часу ідзе гандаль, транзіт праз Беларусь? Гэта, вядома, ганьба цывілізаванаму свету. Я з жахам даведалася, што дагэтуль няма санкцый менавіта за палітвязняў. Гэтую справу трэба давесці да канца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com