Талібанскі Афганістан абышоў Беларусь у тавараабароце з ЗША
12- 11.02.2025, 9:57
- 5,150
Лукашэнку выперадзілі нават карлікавыя дзяржавы.
Тавараабарот Беларусі з "непрыязнымі" на думку афіцыйнага Менска ЗША працягваў падаць у 2024 годзе і ўжо меншы за некаторыя карлікавыя дзяржавы свету, піша «Белорусы и рынок».
Паводле звестак Бюро эканамічнага аналізу (Bureau of Economic Analysis, BEA) Міністэрства гандлю ЗША, тавараабарот паміж Беларуссю і ЗША па выніках 2024 года склаў 30,6 млн. даляраў. Гэта ўдвая менш, чым у 2023 годзе, калі гэты паказчык быў роўны 64,5 млн. даляраў. І гэта ўжо менш, чым нагандлявалі таварамі летась са Злучанымі Штатамі такія карлікавыя эканомікі, як Эсваціні, Ліхтэнштэйн, Мальдывы, Маўрыкій, Манака, Непал і іншыя.
Беларускі экспарт у ЗША ў 2024 годзе склаў, паводле звестак BEA, 20 млн даляраў. З 233 краін і тэрыторый, па якіх прыводзіцца статыстыка, гэта 163-е месца. Па гэтым паказчыку нашу краіну абагнаў, напрыклад, талібанскі Афганістан. Гэтая краіна паставіла ў ЗША тавараў на 22,6 млн даляраў, заняўшы 161-е месца.
Экспарт тавараў з Беларусі працягнуў скарачацца. У 2023 годзе яго аб'ём быў 47,2 млн даляраў (145-е месца ў свеце).
Пастаўкі ЗША тавараў у Беларусь таксама скараціліся. З імпартам 10,6 млн даляраў Беларусь — 200-я ў свеце. Летась у нашу краіну было завезена амерыканскіх тавараў на суму 17,3 млн. даляраў (193-е месца).
Крыху павінна радаваць станоўчае сальда - 9,4 млн даляраў. Але і яно ў параўнанні з 2023 годам прыкметна скарацілася. Тады яго аб'ём складаў 29,9 млн даляраў.
Найбуйнейшымі гандлёвымі партнёрамі ЗША ў гандлі таварамі ў 2024 годзе сталі краіны, з якімі дзякуючы новаму прэзідэнту Дональду Трампу Злучаныя Штаты знаходзяцца за крок ад мытнай вайны.
Найважнейшым экспартным рынкам для амерыканскіх тавараў была Канада (349.359.9 млн даляраў). На другім і трэцім месцах, адпаведна, Мексіка (334 041,4 млн. даляраў) і Кітай (143 545,7 млн. даляраў).
Яны ж - у тройцы пастаўшчыкоў на амерыканскі рынак. Толькі на гэты раз на першым месцы Мексіка з аб'ёмам 505 850,6 млн даляраў. Далей ідуць Кітай (438947,4 млн даляраў) і Канада (412695,7 млн даляраў).
Як бачна, з усімі гэтымі краінамі ў ЗША прыстойнае адмоўнае сальда.
З краін былога СССР на першым месцы ў адгрузках застаецца Расея. У 2024 годзе яна прадала тавараў на суму крыху больш за 3 млрд даляраў, што дазволіла ёй стаць 64-м па значэнні экспарцёрам на амерыканскі рынак.
У першую пяцёрку экспарцёраў з гэтага рэгіёну таксама ўвайшлі Літва (2011,6 млн.), Украіна (1186,5 млн.), Эстонія (1065,4 млн.) і Латвія (630,7 млн. даляраў).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
