Улады прабрахаліся пра адну з ключавых праблем

Медыкі ўцякаюць з беларускіх лякарняў.

У Бярозаўскім раёне Берасцейскай вобласці не стае лекараў. Пра гэта было заяўлена на пасяджэнні выніковай медыцынскай рады, на якой прысутнічалі і чыноўнікі (у тым ліку і з Берасця), паведамляе «Еўрарадыё».

«Не ўтаю, кадравыя праблемы маюць месца: не стае стаматолага-хірурга, стаматолага-тэрапеўта для надання платных паслуг, - казала галоўная лекарка Бярозаўскай цэнтральнай раённай лякарні Нэлі Малейціна. - У паліклініках няма эндакрынолага, не стае рэнтгенолагаў, неўролага, хірурга, лекараў агульнай практыкі, педыятраў».

У Малейцінай ёсць надзея на размеркаванне маладых спецыялістаў сёлета. Пададзеная заяўка на 42 лекараў і 44 спецыялістаў сярэдняга ўзроўню.

Праўда, і з гэтым могуць узнікнуць праблемы. Мінулай восенню ў суседнім Пружанскім раёне мясцовыя чыноўнікі абураліся, што многія мэтавікі не даязджаюць да малой радзімы. Размова ішла аб забеспячэнні маладымі спецыялістамі Пружанскай цэнтральнай раённай лякарні. Такая праблема з выпускнікамі-медыкамі існуе па ўсёй краіне.

У 2024-м колькасць медыкаў у Беларусі працягвала змяншацца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com