ЗША перакінулі ў Еўропу ядзерныя бамбавікі

Падрабязнасці размяшчэння пакуль не выдаюцца.

Два здольныя несці ядзерную зброю самалёты B-52H Stratofortresses вайскова-паветраных сіл ЗША прыбылі на базу Фэрфард у Вялікай Брытаніі, паведамляе UK Aviation News. Яны з'яўляюцца часткай 69-й бамбардзіровачнай эскадрыллі, якая дыслакуецца на авіябазе Майнот у Паўночнай Дакоце. Найбліжэйшым часам у Вялікай Брытаніі прызямляцца яшчэ два такія самалёты. Падрабязнасці размяшчэння пакуль не выдаюцца.

Раней B-52 з Фэрфарда бралі ўдзел у вучэннях НАТА на Балтыцы, папярэджваючы магчымую расейскую агрэсію ў рэгіёне. З лістапада да сярэдзіны снежня мінулага года яны выканалі серыю з дзевяці палётаў з навучальным бамбамятаннем над Фінляндыяй, Швэцыяй і Літвой. Падчас аперацый іх суправаджалі знішчальнікі краін-чальцоў НАТА.

Boeing B-52H Stratofortress - гэта цяжкі ядзерны бамбавік далёкага радыусу дзеяння, які знаходзіцца на ўзбраенні ВПС ЗША з 1955 года і ўвесь час мадэрнізуецца. Ён можа несці карысную нагрузку 31,5 тысячы кг. Апроч амерыканскіх бамбавікоў, на ангельскай базе Фэрфард знаходзіцца вышынны самалёт-выведнік U2, які здзяйсняе місіі амаль кожны дзень.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com