Зяленскі паразмаўляў праз тэлефон з Трампам

Размова доўжылася амаль гадзіну.

Прэзідэнт Украіны Уладзімір Зяленскі ўвечары ў сераду, 12 лютага, правёў тэлефонную размову з прэзідэнтам ЗША Дональдам Трампам. Пра гэта паведамілі NV у Офісе прэзідэнта Украіны.

Размова доўжылася амаль гадзіну. Журналіст FT Крыстафер Мілер таксама пісаў у сацсетцы X, што лідары абедзвюх дзяржаў праводзілі тэлефонную размову.

Раней 12 лютага Трамп правёў тэлефонную размову з расейскім дыктатарам Уладзімірам Пуціным. Размову амерыканскі лідар назваў "прадуктыўнай". Паводле ягоных слоў, яны абмеркавалі Украіну, Блізкі Усход, энэргетыку, штучны інтэлект, сілу даляра і "многія іншыя тэмы".

“У мяне толькі што была доўгая і вельмі прадуктыўная тэлефонная размова з Пуціным. Мы абмеркавалі Украіну, Блізкі Усход, энэргетыку, штучны інтэлект, сілу даляра і іншыя тэмы”, - заявіў Трамп.

Пасля гэтай размовы прэзідэнт ЗША казаў, што плануе патэлефанаваць Зяленскаму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com