Экс-футбалісты каманды Беларусі Пуціла і Драгун вярнуліся ў менскае «Дынама»
1- 12.02.2025, 21:16
- 1,296
На дваіх яны згулялі за "бела-сініх" 305 матчаў.
Адразу два знакамітыя футбалісты далучыліся да структуры менскага «Дынама».
Як удакладняе прэс-служба клуба, працу з юнымі спартоўцамі(2011 г.н.) пачаў Антон Пуціла. Будучы футбалістам, ён адыграў за «бела-сініх» амаль 10 сезонаў: правёў 171 матч, у якіх забіў 25 мячоў і яшчэ 27 разоў паспяхова асіставаў партнёрам з каманды.
Кар'еру Антон закончыў менавіта ў «Дынама» - дапамог роднаму клубу стаць чэмпіёнам Беларусі пасля 19-гадовага перапынку.
«Наперадзе ў свежага настаўніка чарговы цікавы выклік - магчымасць перадаць наступнаму пакаленню свой найбагацейшы досвед. Трэніраваць абойму U14, якой ужо ў верасні стартаваць у юнацкім першынстве краіны, трэба будзе ў дуэце з Сяргеем Гігевічам», - гаворыцца ў паведамленні на сайце ФК «Дынама».
Гуляў Пуціла і за каманду Беларусі ў футболе. У 56 паядынках ён забіў 6 мячоў.
Таксама ў структуры клуба працуе і Станіслаў Драгун. Ён гуляў за «бела-сініх» у 2008–2012 гадах – 144 паядынкі і 29 галоў.
У складзе нацыянальнай каманды Драгун правёў 68 матчаў, у якіх забіў 12 мячоў. Столькі ж, напрыклад, і ў Вячаслава Глеба. А больш за каманду забілі толькі трое: Віталь Кутузаў (13 галоў), Сяргей Карніленка (17) і Максім Рамашчанка (20).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
