Швайцарыя зацвердзіла трохгадовую праграму дапамогі Украіне
1- 12.02.2025, 22:07
На $1,6 млрд.
Федэральная рада Швайцарыі зацвердзіла праграму дапамогі Украіне на 2025-2028 гады сумай 1,5 млрд швайцарскіх франкаў ($ 1,6 млрд). Пра гэта паведамляецца на сайце ўрада Швайцарыі.
Грошы будуць размеркаваныя на трох кірунках: эканамічнае аднаўленне, дзяржаўныя паслугі і абарона цывільнае насельніцтва.
Што да эканамічнага аднаўлення, то Швайцарыя збіраецца фінансаваць праекты падтрымкі малога і сярэдняга бізнэсу, прадпрыемствы сельскай гаспадаркі. Таксама частка сродкаў будзе накіраваная на аднаўленне і рамонт гарадской інфраструктуры, асабліва ў прыфрантавых рэгіёнах.
Пад фінансаваннем дзяржаўных паслуг швайцарскі ўрад мае на ўвазе падтрымку аховы здароўя, адукацыі і сацыяльных паслуг, а таксама энэргазабеспячэнне, грамадскі транспарт і водазабеспячэнне.
Кластар «Абарона грамадзянскага насельніцтва і міру» прадугледжвае дапамогу ў гуманітарным размінаванні, пошуку і ідэнтыфікацыі зніклых без вестак асоб, а таксама дакументаванне і судовы пераслед парушэнняў міжнароднага гуманітарнага права і правоў чалавека.
Трохгадовая праграма дапамогі - гэта першы этап больш шырокай праграмы падтрымкі Украіны, разлічанай на 12 гадоў з бюджэтам 5 млрд. швайцарскіх франкаў.
На першым этапе праграма будзе фінансавацца сродкамі крэдытаў міжнароднага супрацоўніцтва. На другім этапе, з 2029 да 2036 год, Федэральная рада разгледзіць іншыя крыніцы фінансавання для кампенсацыі астатніх 3,5 млрд швайцарскіх франкаў.
Траціна сродкаў першага этапу (500 млн франкаў) будзе выдаткаваная на праекты аднаўлення, у якіх возьмуць удзел швайцарскія кампаніі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
