Выбух «Шахеда» над Гомелем: што вядома на гэты момант

Жыхары горада скардзіліся на смурод гару.

«Флагшток-Гомельшчына» піша, што дзесьці ўночы а палове на першую над Гомелем адбылося збіццё лятальнага аб'екта. Аб падзенні абломкаў на зямлю паведамілі жыхары цэнтральнай і паўночна-ўсходняй частак Гомеля.

Шум выбуху, як адзначаецца, быў чутны ва ўсім горадзе і ў прадмесцях. Праз выбухную хвалю ў Гомелі спрацавалі сігналізацыі аўтамабіляў, гараджане адчулі вібрацыю сцен дамоў. На вуліцы адчуваўся смурод гару.

Падзенне ў часе супала з масаваным паветраным нападам Расеі на тэрыторыі Украіны. Пад ударам у тым ліку суседняя Чарнігаўская вобласць. Магчыма, гэта быў расейскі «Шахед».

Telegram-канал «Гомель. Галоўнае!» ноччу апублікаваў відэа ад сваіх падпісчыкаў са словамі: «Жыхары горада назіраюць падзенне нейкага буйнога, аб'екта ў агні».

Раніцай 13 лютага ў канале напісалі, што афіцыйных каментароў пра начны інцыдэнт пакуль няма, але адзначылі, што, паводле інфармацыі расейскіх суполак, гэта быў «чарговы дрон, які заблукаў».

Блізкі да лукашэнкаўскіх сілавікоў Telegram-канал пацвердзіў, што ў небе над Беларуссю быў збіты дрон, але пабаяўся назваць яго расейскім.

«Сёння а 00:30 над Гомелем сістэмамі СПА УС РБ збіты «транзітны госць». У кірунку Гомеля беспілотнік паляцеў пасля працы РЭБ. «Страта» апынулася на беларускай тэрыторыі, да яе трапляння ў паветраную прастору краіны СПА ўжо вяло яе, пасля чаго паспяхова знішчыла», - напісалі сілавікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com