Заторы ў цэнтры Менска будуць яшчэ цэлы месяц

Прагноз дырэктара дзяржпрадпрыемства «Гардарбуд».

Сітуацыя з рухам транспарту ў цэнтры Менска павінна «палепшыцца» на працягу месяца. Такі прагноз зрабіў дырэктар дзяржпрадпрыемства «Гардарбуд» Сяргей Панёў у каментары БелТА.

8 лютага пачаўся рамонт эстакады паміж плошчай Незалежнасці і вуліцай Маскоўскай. Ад таго цэнтр сталіцы штодня стаіць у пробках у гадзіну пік - раніцай і ўвечары. «Мінсктранс» штодня паведамляе аб спазненні ў руху грамадскага транспарту на 20-25 хвілін.

Панеў не бачыць у гэтым вялікай праблемы і спадзяецца, што аўтамабілісты самі навучацца не ствараць заторы: «Пробкі, безумоўна, ёсць, але яны не крытычныя для функцыянавання гарадскіх службаў. У гадзіны пік - раніцай і ўвечары, вядома, рух абцяжарваецца, але ДАІ працягвае працаваць над рэгуляваннем транспартных плыняў. На працягу максімум месяца мы чакаем стабілізацыі сітуацыі, увойдзем у нармальны рэжым працы».

Кіраўнік «Гардарбуда» заявіў, што менчукі паступова адаптуюцца да новых маршрутаў і не скардзяцца на працу транспарту. Як довад гэтага ён заявіў, што на сайт прадпрыемства такія скаргі не паступалі.

Скончыць рамонт моста плануюць да 1 снежня.

Са слоў Панева, падчас рамонту павялічыўся транспартны трафік праз Нямігу на вуліцу Маякоўскага, на Магілёўскую, Партызанскі праспект.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com