Зяленскі: Санкцыі з Парашэнкі могуць быць знятыя, але ёсць умова

Прэзідэнт Украіны заявіў, што палітык «вывеў мільярды за мяжу».

Прэзідэнт Украіны Уладзімір Зяленскі патлумачыў прычыну ўвядзення санкцый супраць экс-прэзідэнта і народнага дэпутата Пятра Парашэнкі і назваў умову, пры якой іх могуць зняць.

Пра гэта ён заявіў падчас наведвання Хмяльніцкай АЭС, паведамляе «Суспільне».

Ён падкрэсліў, што санкцыі ўведзеныя праз вывад мільярдаў грыўняў падчас вайны, і гэта не апошняя пастанова такога характару.

«Я проста здзіўлены, што раней фінманіторынг нічога нам не паказваў. Я гэта не бачыў, а як было да мяне, цяжка сказаць. Цяпер Служба бяспекі і фінманіторынг паказваюць мільярды. І ўсе гэтыя людзі, Медзвядчук і Парашэнка - яны партнёры ў гэтым кейсе, але я не хачу абвінавачваць, гэта робяць суды. І гэта ж не тое, што нехта там за кратамі праз санкцыі. Санкцыі - гэта абмежаванне на сёння выкарыстоўваць тыя ці іншыя грошы, якія былі заробленыя вось такім незаконным шляхам», - сказаў прэзідэнт.

З яго слоў, ёсць інфармацыя аб магчымым адмыванні грошай праз фонды, прызначаныя для падтрымкі Узброеных сіл, з наступнай перадачай сродкаў сябрам партыі.

Зяленскі таксама адзначыў, што асобы, якія трапілі пад санкцыі, могуць вярнуць выведзеныя сродкі ў бюджэт. У такім выпадку яны будуць накіраваныя на патрэбы войска, а санкцыі будуць знятыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com