FT: Трамп і Пуцін хочуць спыніць агонь ва Украіне да Вялікадня ці 9 траўня

У Еўропе і Украіне асцерагаюцца, што ўгода будзе нявыгаднай.

Заходнія і ўкраінскія чыноўнікі мяркуюць, што расейскі дыктатар Уладзімір Пуціна і прэзідэнт ЗША Дональд Трамп паспрабуюць дасягнуць спынення агню да адной з дзвюх будучых дат: Вялікадня ці 9 траўня.

Пра гэта паведамляе газета Financial Times у чацвер, 13 лютага.

«Пуцін захоча [адабрэння пагаднення] у нейкі важны дзень, як гэтыя», - сказаў украінскі афіцыйны прадстаўнік.

Як сцвярджае адзін з былых высокапастаўленых расейскіх чыноўнікаў, пасля размовы Трампа і Пуціна «амерыканцы пачнуць успрымаць рэчы сур'ёзна, без бессэнсоўных ілюзій, якімі падманваюць украінцаў з пачатку вайны».

«Гэта разумны сэнс. І шанец спыніць вайну», - сказаў ён.

FT адзначае, што Украіна і еўрапейскія хаўруснікі зараз «назіраюць з боку, узрушаныя, баючыся, што ЗША падпішуць нявыгадную ўгоду з Пуціным для заканчэння вайны».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com