УСУ нанеслі контрудар у Данецкай вобласці

Украінскія вайскоўцы вызвалілі сяло і рушылі далей.

Украінскае войска ўпершыню за год змагло адціснуць расейскія войскі ў Данецкай вобласці, вызваліўшы сяло Пясчанае, размешчанае за пяць кіламетраў ад Пакроўска. Акрамя таго, украінскія сілы прасунуліся на два кіламетры ў суседніх населеных пунктах, піша Bild.

Як адзначае фінскі ваенны аналітык Эміль Кастэхельмі, украінскія войскі правялі серыю контратак з розных кірункаў. Хоць тэрыторыя, вызваленая УСУ, пакуль невялікая, сам факт адступлення расейскіх войскаў ва Украіне ўпершыню з восені 2023 года выклікаў прыкметную нервовасць сярод расейскіх Z-блогераў.

Расейскія крыніцы пацвярджаюць, што УСУ замацаваліся ў прамысловай зоне заходняй часткі вёскі Пясчанае і вядуць баі ў жылых раёнах.

Для абароны Пакроўска гэты контрудар вельмі важны, паколькі расейскае войска ўшчыльную падышло да стратэгічнай трасы Е50, якая злучае горад з цэнтральнай Украінай. Яе страта магла б прывесці да блакады ўкраінскіх войскаў у Пакроўску.

Акрамя таго, УСУ актывізаваліся і на тэрыторыі Расеі. У Курскай вобласці ўкраінскія вайскоўцы вярнулі пад кантроль тры невялікія населеныя пункты. Расейскія вайсковыя блогеры публікуюць кадры наступу 82-й дэсантна-штурмавой брыгады УСУ, што пацвярджае паведамленні пра прасоўванне ўкраінскіх сілаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com