Зяленскі адпрэчыў перамовы з Пуціным без аб'яднанай пазіцыі Украіны, Еўропы і ЗША

Ён таксама перасцярог сусветных лідараў ад даверу словам Пуціна пра ягоную гатоўнасць закончыць вайну.

Ніякія перамовы з расейскім дыктатарам Уладзімірам Пуціным не могуць пачацца без аб'яднанай пазіцыі Украіны, Еўропы і ЗША.

Пра гэта паведамляе Charter97.org са спасылкай на Telegram прэзідэнта Украіны Уладзіміра Зяленскага.

Як паведаміў Зяленскі, сёння ён правёў тэлефонную размову з прэм'ер-міністрам Польшчы Дональдам Тускам.

«Абмеркавалі ўмовы, неабходныя для доўгага і сапраўднага міру ва Украіне, і пагадзіліся, што ніякія перамовы з Пуціным не могуць пачацца без аб'яднанай пазіцыі Украіны, Еўропы і ЗША», – адзначыў прэзідэнт Украіны.

Зяленскі таксама праінфармаваў Туска пра сваю размову з прэзідэнтам ЗША Дональдам Трампам, і яны абмеркавалі ключавыя мэсэджы і неабходнасць каардынацыі пазіцый усіх еўрапейцаў для дасягнення паспяховых вынікаў для ўсёй Еўропы.

«Падкрэсліў, што Украіна павінна весці перамовы з пазіцыі сілы, з моцнымі і надзейнымі гарантыямі бяспекі, і што сяброўства ў NATO было б найбольш эканамічна выгадным для партнёраў. Іншай важнай гарантыяй з'яўляюцца сур'ёзныя інвестыцыі ва ўкраінскую абаронную прамысловасць», – дадаў кіраўнік дзяржавы.

Зяленскі таксама перасцярог сусветных лідараў ад даверу словам Пуціна пра ягоную гатоўнасць закончыць вайну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com