На продаж выставілі рэдкае швэйцарскае аўта

Купэ Monteverdi High Speed мае шыкоўны скураны салон і магутны рухавік.

У ЗША на аўкцыёне Bring a Trailer прадаецца вельмі рэдкае купэ Monteverdi High Speed 1973 года. Гэта адна з нямногіх мадэляў аўто, якія выпускалі ў Швэйцарыі. Пра рарытэт расказалі на сайце аўкцыёну.

Monteverdi ледзь не адзіны вядомы швэйцарскі аўтавытворца. Аўтагоншчык і канструктар Петэр Мантэвердзі ў 1967 годзе заснаваў недалёка ад Базэля невялікую кампанію і выпускаў дробнымі серыямі шыкоўныя спартова-турыстычныя аўто. Іх дызайн распрацоўвалі італьянскія кузаўныя атэлье, а пад капот усталёўвалі V8 ад Chrysler.

Monteverdi High Speed выпускалі з 1967 да 1976 года і ўсяго выпусцілі 82 такія аўто. Элегантны абцякальны кузаў распрацавала атэлье Fissore.

Чатырохмясцовы салон Monteverdi High Speed адштукавалі скурай, дрэвам і велюрам.

Камплектацыя ўключае электрашклопад'ёмнікі, узмацняльнік руля, кандыцыянер і аўдыясістэму Pioneer.

Менавіта гэты Monteverdi High Speed 375L абсталяваны вялікім 7,2-літровым V8 на 375 к.с. і 3-ступеністай аўтаматычнай КПП. Аўтамабіль здольны разагнацца да 100 км/г за 6,5 с і развіць 245 км/г.

Прабег Monteverdi High Speed 375L складае 72 тыс. км. Нядаўна спартовае купэ прайшло рэстаўрацыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com