The New York Times: ЗША рыхтуюць угоду з Лукашэнкам па масавым вызваленні палітвязняў

Санкцыі працуюць.

Вызваленне Аляксандрам Лукашэнкам грамадзяніна ЗША і двух беларускіх палітвязняў можа стаць першым крокам да маштабнай угоды паміж Вашынгтонам і Менскам. Пра гэта расказаў намеснік памочніка дзяржсакратара ЗША у Еўропе Крыс Сміт на сустрэчы дыпламатаў у Вільні, піша The New York Times са спасылкай на крыніцы. Увагу на публікацыю звярнула «Агенцтва. Навіны».

Сміт удзельнічаў у вывазе з Беларусі грамадзяніна ЗША і двух беларусаў-палітвязняў, якіх 12 лютага вызваліў Менск. Дыпламат быў сярод амерыканцаў, якія ездзілі ў Менск, каб вывезці гэтых людзей. Падчас візіту ён сустрэўся з Аляксандрам Лукашэнкам і кіраўніком беларускага КДБ Іванам Церцелем, піша NYT.

У межах пагаднення, як распавёў Сміт у Вільні, Лукашэнка можа вызваліць мноства палітвязняў, у тым ліку шырока вядомых. Узамен ЗША аслабяць санкцыі супраць беларускіх банкаў і экспарту калійных угнаенняў, сказалі крыніцы газеты.

Галоўнай мэтай ЗША Сміт назваў вызваленне большай колькасці палітвязняў. Яшчэ адна важная мэта - даць Лукашэнку «перадых па-за арбітай Расеі», расказалі суразмоўцы журналістаў. Сміт сказаў, што пытаўся ў Лукашэнкі, ці гатовы той спыніць рэпрэсіі, і той адказаў станоўча.

Сміт курыраваў палітыку ЗША ў Беларусі і за мінулай амерыканскай адміністрацыяй. Перамовы з супольнікамі ЗША аб змякчэнні санкцый ён пачаў яшчэ летась, адзначае NYT.

Дзярждэпартамэнт ЗША не адказаў на запыты газеты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com