Расейцы пачалі масава псаваць уласную тэхніку пад Пакроўскам

Каб пазбегнуць бессэнсоўнай смерці.

Вайскоўцы УС РФ наўмысна псуюць і выводзяць са строю вайсковую тэхніку на Пакроўскім кірунку, каб «пазбегнуць смерці». Пра гэта паведаміў партызанскі рух «Атэш».

«Расейскія вайскоўцы выводзяць са строю сваю тэхніку на Пакроўскім кірунку... Штодня фіксуюцца выпадкі вываду са строю бронетэхнікі, пашкоджанні артылерыі і наўмыснага псавання ўзбраення», — гаворыцца ў паведамленні.

Партызаны ўдакладнілі, што за апошнія паўтара месяца сама меней 12 адзінак тэхнікі выйшлі са строю ў выніку сабатажу.

«5 баявых машын пяхоты і 2 танкі Т-72 былі пашкоджаны яшчэ да выхаду на баявыя пазіцыі. 4 грузавікі і 1 БТР прыйшлі ў непрыдатнасць пасля «раптоўных» паломак рухавікоў і трансмісій», - адзначылі ў «Атэш».

Асабліва актыўна сабатаж выяўляецца сярод вайскоўцаў 37-й АМСБр і 5-й АТБр, якія, паводле звестак «Атэш», ужо неаднаразова фіксаваліся за адмовай выконваць загады і наўмысным вывадам тэхнікі са строю.

Камандаванне УС РФ ужо пачало расследаванне гэтых інцыдэнтаў.

Партызаны патлумачылі, што асаблівую ролю ў гэтых актах сабатажу адыгралі іх агенты, якім перадалі падрабязныя інструкцыі, як правільна і хутка выводзіць тэхніку са строю.

«Паніка сярод акупантаў нарастае: вайскоўцы ўсё часцей сабатуюць загады і шукаюць спосабы пазбегнуць бессэнсоўнай смерці», - адзначылі ў «Атэш».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com