Reuters: Перамовы наконт Украіны ў Савудаўскай Арабіі стартуюць у найбліжэйшыя дні

Стала вядома, хто будзе прадстаўляць ЗША.

Афіцыйныя асобы ЗША і Расеі з'едуцца ў Савудаўскую Арабію, каб пачаць перамовы наконт Украіны. Сустрэча павінна адбыцца найбліжэйшымі днямі.

Пра гэта паведамляе Reuters.

Выданне піша, што перамовы будуць накіраваныя «на спыненне амаль трохгадовай вайны Масквы супраць Украіны». Аб гэтым журналістам паведамілі ў суботу, 15 лютага, амерыканскі заканадавец і крыніца, знаёмая з планамі.

Акрамя таго, прадстаўнік ЗША Майкл Маккол распавёў агенцтву Reuters, што дзяржсакратар ЗША Марка Рубіё, дарадца ў нацыянальнай бяспецы Майк Уолц і спецпрадстаўнік Белага дома па Блізкім Усходзе Стыў Уіткоф адправяцца ў Савудаўскую Арабію.

«Пакуль не зразумела, з кім з Расеі яны сустрэнуцца», - гаворыцца ў артыкуле.

У кулуарах Мюнхенскай канферэнцыі ў бяспецы Маккол заявіў, што мэтай перамоў з'яўляецца арганізацыя сустрэчы прэзідэнта ЗША Дональда Трампа, кіраўніка Крамля Уладзіміра Пуціна і прэзідэнта Украіны Уладзіміра Зяленскага, «каб нарэшце прынесці мір і пакласці канец гэтаму канфлікту».

Крыніца, дасведчаная аб планах, пацвердзіла запланаваныя перамовы ў Савудаўскай Арабіі паміж афіцыйнымі асобамі ЗША і Расеі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com