Прозвішча аднаго з музыкаў Nizkiz з'явілася на стэндзе «Іх шукае міліцыя»
4- 16.02.2025, 12:14
- 6,410
Артыст адрэагаваў іранічна.
Леанід Несцярук, адзін з гітарыстаў гурта Nizkiz, апублікаваў фатаграфію ў інстаграме. На ёй бачны стэнд «Іх шукае міліцыя», а на ім - яго фатаграфія. На публікацыю першай звярнула ўвагу «Медиазона Беларусь».
Мяркуючы з інфармацыі, музыка абвінавачваецца паводле артыкула аб грубым парушэнні парадку (артыкул 342 КК Беларусі).
«Склад зброі і боепрыпасаў», - іранічна напісаў Несцярук і выклаў фатаграфію гітары. Сам музыка знаходзіцца за мяжой.
Nizkiz – рок-гурт з Магілёва. Заснаваны ў 2008 годзе. Рэпертуар складаецца з аўтарскіх песень на расейскай і беларускай мовах. Кампазіцыі гурта былі ў ратацыі на «Наша Радыё», «Сваё Радыё», «Радыё Мінск», «Радыё Сталіца», «Радыё АНТ», Euroradio, «Альфа Радыё», «Мір» і іншых радыёстанцыях. Акрамя таго, гурт быў сталым госцем на буйных фэстах у Беларусі.
Калегаў Несцярука — Аляксандра Ільіна, Сяргея Кульшу, Дзмітрыя Халяўкіна — затрымалі 5 студзеня 2024 года. Пазней усіх траіх абвінавацілі ў «распаўсюджанні, вырабе, захоўванні, перавозцы інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць» (ч.2 арт.19.11 КоАП). Спачатку іх судзілі паводле адміністрацыйных артыкулаў, а пазней перавялі ў СІЗА ў межах крымінальнай справы. У сакавіку адбыўся суд. Музыкаў абвінавачвалі на падставе ч.1 арт.342 КК (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) за ўдзел у акцыях пратэсту ў 2020 годзе.
Пазней стала вядома, што іх прысудзілі да 2,5 года абмежавання волі без накіравання ў папраўчую ўстанову адкрытага тыпу («хатняя хімія»).
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
