Прэзідэнт Чэхіі заклікаў да «плана Маршала» для Украіны

Ён таксама заклікаў падрыхтаваць Украіну да ўступлення ў ЕЗ, а таксама не выключаць далучэння да NАТО.

Украіна павінна атрымаць максімальна справядлівую ў дачыненні да яе мірную дамову і надзейныя гарантыі бяспекі, уключаючы магчымасць уступлення ў Еўразвяз і NАТО, заявіў прэзідэнт Чэхіі Пётр Павел на Мюнхенскай канферэнцыі аб бяспецы.

На ягоную думку, супольнікі Кіева павінны працаваць не толькі над тым, каб Украіна магла пачаць перамовы з Расеяй у найбольш моцнай пазіцыі, але і над планам аднаўлення пасля заканчэння баёў. «Мы ўжо надаем Украіне вайсковую падтрымку. <...> Нам таксама варта пачаць думаць аб пасляваенным аднаўленні. <...> «План Маршала» для Украіны быў бы выдатнай ідэяй. <...> Мы маглі б пачаць падрыхтоўку Украіны да ўступлення ў ЕЗ вельмі паспяховым спосабам», - сказаў Павел.

Ён мяркуе, што гэта было б «найлепшай дэманстрацыяй няўдачы Расеі ва Украіне». «Мы павінны выказаць нашу рашучасць у тым, што, калі Украіна хоча стаць часткай ЕЗ, а ў канчатковым выніку і NАТО, яны маюць права гэта зрабіць», – падкрэсліў прэзідэнт Чэхіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com