СМІ: ЗША не змогуць распрацоўваць радовішчы ва Украіне без размінавання
13- 16.02.2025, 21:34
- 4,340
У краіне замінавана 156 тысяч км2.
Кіраўнік брытанскай дабрачыннай арганізацыі Halo Trust Джэймс Коўэн заявіў, што перамовы ЗША аб доступе да ўкраінскіх радовішчаў рэдкіх металаў не маюць сэнсу, пакуль не будзе развязаная праблема міннага забруджвання тэрыторыі. Такую заяву ён зрабіў падчас Мюнхенскай канферэнцыі бяспекі.
«Абмеркаванне доступу Злучаных Штатаў да радовішчаў карысных выкапняў ва Украіне не мае сэнсу, пакуль не будзе ажыццёўлена размінаванне гэтых тэрыторый», - падкрэсліў Коўэн.
Паводле ацэнак экспэртаў, замінавана амаль 156 тысяч квадратных кіламетраў украінскай тэрыторыі, што складае чвэрць плошчы краіны.
"Ідэя аб тым, што ЗША і Украіна могуць заключыць пагадненне, якое дазволіць здабычу карысных выкапняў, не можа быць рэалізаванае без папярэдняга размінавання тэрыторый, дзе знаходзяцца каштоўныя радовішчы", – дадаў Коўэн.
Паводле інфармацыі BBC, урад Украіны падрыхтаваў праект пагаднення, які прадугледжвае доступ ЗША да радовішчаў стратэгічных рэсурсаў, між іншым літыю. Аднак, паводле звестак выдання, прэзідэнт Уладзімір Зяленскі адмовіўся падпісваць пагадненне, пакуль Вашынгтон не падасць Украіне канкрэтныя гарантыі бяспекі.
Размінаванне ўкраінскіх земляў застаецца адным з ключавых умоў для эканамічнага абнаўлення і прыцягнення міжнародных інвестараў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
