«ЕЗ не мае іншага выйсця, акрамя як дзейнічаць неадкладна»

У Еўрапарламенце зрабілі заяву аб перамовах ЗША і РФ.

Лідары адразу чатырох партый, якія прадстаўляюць большасць у Еўрапарламенце, выпусцілі дэкларацыю наконт сітуацыі ва Украіне і стасункаў з ЗША.

Журналісты выдання Le Monde паведамляюць, што гаворка ідзе пра цэнтрыстаў, эколагаў, правых і левых.

У дэкларацыі сказана, што надышоў час перамен і новай рэальнасці, якім неабходна супрацьстаяць. Пры гэтым неабходна падвоіць намаганні наконт дапамогі як Украіне, так і бяспецы самой Еўропы.

Еўропа больш не можа поўнасцю залежаць ад ЗША ў абароне як сваіх каштоўнасцяў, так і агульных інтарэсаў. Еўропа сутыкнулася з "дыпламатычным наступам" як ЗША, так і РФ у пытанні спынення вайны ва Украіне, менавіта таму ў ЕЗ няма іншага выйсця, акрамя як "дзейнічаць неадкладна".

Вядома, што Макрон экстрана склікае новы саміт у Парыжы пасля перамоў РФ і ЗША ў Эр-Рыядзе 18 лютага.

Учора ў Савудаўскай Арабіі прайшла сустрэча прадстаўнікоў РФ і ЗША, куды не запрасілі ні ўкраінскую дэлегацыю, ні ЕЗ.

У Брусэлі баяцца, што Вашынгтон будзе схіляць Кіеў падпісаць пагадненне з РФ, якое невыгодна як Украіне, так і ЕЗ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com