Лукашысты спалохаліся кнігі з вершамі пра дурня ва ўладзе

Яна прадавалася на Wildberries.

На патрабаванні пракуратуры Гомельскага раёна маркетплейс Wildberries выключыў з каталога тавары, прызнаныя ўладамі "экстрэмісцкімі матэрыяламі", паведаміла пракуратура Гомельскай вобласці.

На Wildberries прадаваліся "Дваццаць гадоў рабства: Беларусь сёння" Сяргея Сюзева і "Невядомая вайна" Ота Скарцэні. Таксама некалькі прадаўцоў рэалізоўвалі кулоны і падвескі з эмблемай "Чорнае сонца".

Кніга "Дваццаць гадоў рабства: Беларусь сёння" выйшла ў 2017 годзе з дапамогай расейскага сэрвісу Ridero. Яна “апісвае жыццё беларускага народа ў перыяд кіравання А.Р. Лукашэнка і паказвае цяжкасці жыцця простых людзей, якія жадалі спакойна працаваць і жыць у свеце, ствараючы ўтульнасць і спакой у любімай краіне”. Унесена ў беларускі "экстрэмісцкі спіс" у красавіку 2023-га.

Урыўкі з кнігі "Дваццаць гадоў рабства: Беларусь сёння"

К милиции

мы заплатили вам налоги,

создав для вас в стране уют,

чтоб вы нас с честью охраняли,

а не вершить свой самосуд.

врагов создали из хозяев

забыв про долг, честь и закон,

служа тому, кто невменяем

неся по всем каналам вздор.

<…>

Глупец у власти

<…>

и этот царь из рабской массы

служить к себе невежд позвал,

дав им средства из общей кассы

и властью править указал.

из года в год глупец у власти

своих лишь выгод видя толк,

как жерновами крошит кости

всех, кто попал в его силок.

<…>

«Пракурор Гомельскага раёна вынес у адрас кіраўніцтва ТАА «ІМВБРБ» прадпісанне, у якім запатрабаваў ухіліць парушэнні заканадаўства і неадкладна выключыць з інтэрнэт-каталога прадукцыю, прызнаную судом экстрэмісцкімі матэрыяламі. Акт нагляду выкананы ў поўным аб'ёме - тавары сталі недаступныя для набыцця на тэрыторыі Беларусі», - паведамілі ў пракуратуры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com