У жыхароў Асіповічаў нарэшце з'явілася вада

Але пытанні да яе якасці будуць заставацца цягам усяго дня.

У Асіповічах у Магілёўскай вобласці аднавілі водазабеспячэнне. Горад быў без вады з ночы (пра аварыю стала вядома а 01.50). Цягам дня будзе праводзіцца яе хлараванне і кантроль якасці (бо з кранаў цякла вада «неналежнага выгляду»).

У Асіповічах блізу 29 тысяч жыхароў. Прарыў на водаправодзе стаў прычынай знікнення вады ва ўсім горадзе. На месцы працавалі супрацоўнікі водаканала з Асіповічаў і Бабруйска, а таксама ратавальнікі і іх спецтэхніка, паведамляе «Еўрарадыё».

«Для лакалізацыі аварыі было адключана водазабеспячэнне з паўночнага і паўднёвага водазабораў горада», - тлумачыў раніцай у відэазвароце старшыня Асіповіцкага райвыканкама Андрэй Дубінчык. Пазней, калі месца аварыі «лакалізавалі», водазаборы пачалі па чарзе ўключаць.

Тым часам па горадзе размясцілі цыстэрны з пітной вадой. А прапагандысты пачалі запісваць відэаролікі з мясцовымі жыхарамі аб тым, як «усе службы зрэагавалі хутка», а яны «праблем з адсутнасцю вады не адчулі».

Адзначаецца, што ў Асіповічах «цеплазабеспячэнне парушанае не было».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com