З праграмы «саюзнай дзяржавы» скралі значную суму грошай

Амаль 740 тысяч даляраў.

У рамках праграмы «саюзнай дзяржавы» «Інавацыйнае развіццё вытворчасці бульбы і тапінамбура» магло быць выкрадзена больш за 67 млн расейскіх рублёў (амаль 740 тысяч даляраў), піша «КоммерсантЪ».

Мэтамі праграмы было забеспячэнне насельніцтва Расеі і Беларусі «высакаякаснай бульбай уласнай вытворчасці і выпуск прадуктаў здаровага харчавання з тапінамбура».

У злачынстве абвінавачваецца гендырэктар і заснавальнік расейскага ТАА «Агрысаўгаз інжынірынг» Сяргей Скрыпнікаў. Паводле звестак следства, у снежні 2015 года ён вырабіў дзесяць справаздач аб навукова-даследчых працах для забеспячэння рэалізацыі мерапрыемстваў праграмы «саюзнай дзяржавы», «выкананне якіх не панесла фінансавых выдаткаў».

Затым фігурант увёў у зман службовых асоб Мінсельгаса Расеі і Маскоўскай сельскагаспадарчай акадэміі, якія прынялі яго справаздачы і аплацілі іх бюджэтнымі грашыма, у выніку была прычыненая шкода ў асабліва значнай суме.

Крымінальная справа паводле абвінавачання Скрыпнікава ў асабліва буйным махлярстве накіраваная на разгляд у суд. Абарона разлічвае давесці яго невінаватасць у судзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com