Еўрапейскія лідары адрэагавалі на словы Трампа пра Зяленскага
35- 20.02.2025, 8:27
- 23,104
Захопніцкую вайну пачалі выключна Расея і Пуцін.
Лідары і аўтарытэтныя палітыкі еўрапейскіх краін падтрымалі прэзідэнта Украіны Уладзіміра Зяленскага пасля таго, як кіраўнік Белага дома Дональд Трамп назваў яго "дыктатарам без выбараў".
Яны нагадалі, што жорсткую захопніцкую вайну пачаў расейскі дыктатар Уладзімір Пуцін.
Новини.LIVE прапануюць падборку самых рэзанансных заявы еўрапейскіх палітыкаў.
Лідары Еўропы падтрымалі Зяленскага
Прэзідэнт Фінляндыі Аляксандр Стуб адпрэчыў словы Трампа і заявіў, што ягоная дзяржава "падтрымлівае ўкраінскую Канстытуцыю і дэмакратычна абранага прэзідэнта Уладзіміра Зяленскага".
“Захопніцкую вайну распачалі выключна Расея і прэзідэнт Пуцін. Наша праца ў тым, каб абмеркаваць з Трампам наступствы, калі Пуцін атрымае тое, чаго хоча”, - нагадаў Стуб.
Яго падтрымаў прэм'ер-міністр Нарвэгіі Ёнас Гар Ст’ёры, які разглядае выказванне Трампа як "надзвычай несправядлівае". Ст’ёры адзначыў, што Зяленскі "з'яўляецца абраным прэзідэнтам са значнай большасцю". Гэтую пазіцыю падтрымалі і іншыя нарвэжскія палітыкі.
Іншыя словы ў падтрымку Зяленскага
Канцлер Германіі Олаф Шольц назваў каментары Трампа "няправільнымі і небяспечнымі".
“Проста няправільна і небяспечна адмаўляць дэмакратычную легітымнасць прэзідэнта Зяленскага... Тое, што чарговыя выбары не могуць праводзіцца падчас вайны, адпавядае патрабаванням Канстытуцыі Украіны і выбарчага заканадаўства. Ніхто не павінен сцвярджаць адваротнае”, - сказаў ён.
Адзін з найбуйнейшых супольнікаў Украіны, прэзідэнт Чэхіі Пётр Павел, заявіў, што "каб назваць прэзідэнта такой краіны дыктатарам, патрэбна вялікая доля цынізму".
“Якую каштоўнасць мелі б выбары ў краіне, якая тры гады баранілася ад агрэсіі з боку суседняй ядзернай дзяржавы? Як арганізаваць выбары, калі пятая частка тэрыторыі акупаваная, а ўся краіна пад штодзённымі абстрэламі?” - напісаў чэшскі лідар.
Старшыня апазіцыйнай Кансерватыўнай партыі Вялікабрытаніі Кемі Бадэнох напісала, што “Зяленскі не з'яўляецца дыктатарам - ён дэмакратычна абраны лідар Украіны, які мужна супрацьстіць незаконнаму ўварванню Пуціна”.
Нагадаем, Трамп заявіў, што Украіне трэба правесці прэзідэнцкія выбары, паколькі Зяленскі нібыта мае падтрымку толькі на ўзроўні 4%.
Са свайго боку, Зяленскі выказаўся наконт заяў Трампа аб неабходнасці правядзення выбараў ва Украіне. Са слоў кіраўніка дзяржавы, вынікі апытання паказваюць, што яму давяраюць 57% грамадзян.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
