Трудо: Канада заўсёды будзе стаяць на абароне Украіны

Прэм'ер-міністр краіны зрабіў заяву на фоне апошніх выступаў Трампа.

Прэм'ер-міністр Канады Джасцін Трудо выказаў падтрымку Украіне на фоне апошніх заяў прэзідэнта ЗША Дональда Трампа. Аб гэтым піша выданне The Hill.

“Канада і нашыя супольнікі адназначна выступаюць супраць незаконных, амаральных і несправядлівых парушэнняў міжнароднага парадку Уладзімірам Пуціным (расейскім дыктатарам, - рэд.). Я з нецярпеннем чакаю магчымасці сесці са сваімі еўрапейскімі партнёрамі праз некалькі гадзін, каб пагаварыць аб тым, як мы будзем працягваць адназначна абараняць Украіну, а таксама абараняць правілы, якія гарантуюць0 бяспеку ўсіх нас”, - сказаў Трудо.

Ён выступіў у абарону "парадку, заснаванага на правілах", які, паводле ягоных слоў, захоўвае свет, у бяспецы на працягу амаль цэлага стагоддзя.

“Украінцы ваююць і гінуць не толькі за абарону свайго суверэнітэту, сваёй тэрытарыяльнай цэласнасці. Яны таксама змагаюцца за абарону заснаванага на правілах парадку, які забяспечвае бяспеку ўсіх нас ва ўсім свеце і доўжыцца ўжо амаль 80 гадоў», - адзначыў прэм'ер Канады.

Паводле ягоных слоў, "перыяд міру, стабільнасці, працвітання для свету" быў толькі таму, "што ў нас былі правілы межаў, неўварвання да вашых суседзяў", якія Расея, аднак "надумала свядома парушыць некалькі гадоў таму".

Трудо запэўніў, што "Канада заўсёды будзе стаяць на абароне Украіны".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com