Рэспубліканцы пачалі жорстка адказваць на словы Трампа пра Украіну

Прэзідэнта ЗША крытыкую яго ж аднапартыйцы.

Прадстаўнікі Рэспубліканскай партыі актыўна абмяркоўваюць у сеціве скандальныя заявы прэзідэнта ЗША Дональда Трампа аб неабходнасці правядзення выбараў ва Украіне, рэйтынг прэзідэнта Уладзіміра Зяленскага і расейскую агрэсію. Сайт New Voice сабраў рэакцыю прадстаўнікоў рэспубліканцаў.

Былы віцэ-прэзідэнт ЗША Майк Пэнс раскрытыкаваў заявы Трампа, адзначыўшы, што поўнамаштабнае ўварванне ва Украіну пачала менавіта Расея.

“Пан прэзідэнт, Украіна не „пачынала“ гэтую вайну. Расея пачала несправакаванае і жорсткае ўварванне, якое забрала сотні тысяч жыццяў. Дарога да міру павінна быць закладзеная на праўдзе. Расея ўварвалася ва Украіну падчас найбуйнейшага еўрапейскага нападу з часоў Другой сусветнай вайны”, - адзначыў ён.

Такой жа думкі прытрымліваецца кангрэсмэн-рэспубліканец і адстаўны генерал Дон Бэйкан.

“(Расейскі дыктатар Уладзімір - рэд.) Пуцін пачаў гэтую вайну. Пуцін усыніў ваенныя злачынствы. Пуцін - дыктатар, які забіваў сваіх апанентаў. Краіны ЕЗ далі Украіне больш дапамогі. Зяленскі мае больш за 50% галасоў. Украіна хоча быць часткай Захаду, Пуцін ненавідзіць Захад. Я не прымаю падвойнае мысленне Джорджа Оруэла”, - падкрэсліў ён у сацсетцы X.

Кангрэсмэн-рэспубліканец Майк Лоўлер назваў Уладзіміра Пуціна "брыдкім дыктатарам і галаварэзам", які супольна з Кітаем і Іранам працуе над тым, каб падарваць і дэстабілізаваць ЗША, Еўропу, Ізраіль і свабодны свет.

Лоўлер падкрэсліў, што падтрымлівае намаганні, накіраваныя на заканчэнне вайны ва Украіне. Аднак, паводле ягоных слоў, усялякая дамова, накіраваная на дасягненне міру, павінна ўключаць Украіну за сталом перамоў, а таксама “абараняць яе структурны суверэнітэт і суверэнітэт яе суседзяў”.

Сэнатар ад штата Місісіпі Роджэр Уікер мяркуе: “Давяраць Пуціну нельга. Гэта ваенны злачынец, які парушыў усе нормы міжнароднага права. Яго варта прыцягнуць да адказнасці, пасадзіць у турму, і, магчыма, пакараць смерцю”.

Са слоў сэнатара Ліндсі Грэма, гісторыя навучыла, што “супакаенне агрэсіі прыводзіць да яшчэ большай агрэсіі”.

“Чэмберлен з Гітлерам, Байдэн і Абама з Пуціным. Я ўпэўнены, што прэзідэнт Трамп закончыць вайну ва Украіне хутка і такім чынам, які стрымае будучую агрэсію”, - мяркуе ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com