Кошты золата зноў абнавілі гістарычны максімум
1- 20.02.2025, 19:48
- 2,520
Дзясяты рэкорд сёлета.
Кошты золата выраслі да гістарычнага максімуму і ў чацвер, 20 лютага, таргаваліся вышэй за ўзровень $2950 за ўнцыю праз асцярогі з нагоды пагроз прэзідэнта ЗША Дональда Трампа развязаць глабальную гандлёвую вайну. Аб гэтым піша Reuters.
Спатавае золата падаражэла на 0,7% - да $2953,12 за ўнцыю пасля дасягнення $2954,69 у пачатку сесіі, што стала дзясятым рэкордным максімумам сёлета. Ф'ючэрсы на амерыканскае золата выраслі на 1,2% - да $2970,7.
Агулам сёлета золата падаражэла на 12%.
«Узровень $3000, відавочна, мае магнетычны ўплыў на рынак, і хоць з большасці меркаванняў рынак тэхнічна перакуплены, ён, здаецца, поўны рашучасці прабіць гэты магічны паказчык», – сказаў незалежны аналітык Рос Норман.
У сераду Трамп заявіў, што абвесціць аб тарыфах на піламатэрыялы, аўтамабілі, паўправаднікі і фармацэўтыку «цягам наступнага месяца ці раней».
Таксама Трамп назваў прэзідэнта Украіны Уладзіміра Зяленскага дыктатарам і сказаў яму, што той павінен дзейнічаць хутка, каб забяспечыць мір, у адваротным выпадку ён рызыкуе страціць сваю краіну.
«Хоць існуюць здагадкі, што патэнцыйныя мірныя перамовы паміж Украінай і Расеяй могуць прывесці да некаторай раскруткі золата, усякая слабасць золата можа быць часовай», – напісаў рынкавы стратэг IG Еп Чжун Ронг.
Спатавае срэбра вырасла ў кошце на 0,9% - да $33 за ўнцыю. Плаціна падаражэла на 0,3% - да $974,85, а паладый - на 1,4% - да $981,70.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
