Найлепшая тэнісістка свету Арына Сабаленка прызналася, што амаль не адкрывае кнігі

Спартоўка «стамляецца пасля некалькіх старонак».

Падпісчыкі першай ракеткі свету Арыны Сабаленкі спыталі ў Instagram, ці любіць яна чытаць кнігі.

Адказ беларускай тэнісісткі можа кагосьці здзівіць.

«Неяк ніякавата пра гэта казаць... Я стамляюся пасля некалькіх старонак. Часам, магчыма раз на пару гадоў, я пачынаю шмат чытаць, але энтузіязм хутка заканчваецца», — сказала 26-гадовая Сабаленка.

Адказаўшы на гэтае пытанне, Арына папрасіла сваіх падпісчыкаў парэкамендаваць ёй якую-небудзь кнігу.

У Сабаленкі ў Instagram 2,6 мільёна падпісчыкаў. За кар'еру цяперашняя першая ракетка перамагла ў 18 турнірах у адзіночным разрадзе і зарабіла 31,5 млн даляраў у якасці прызавых (да выліку падаткаў).

У 2025-м яна перамагла ў Брысбене і дайшла да фіналу на Адкрытым чэмпіянаце Аўстраліі ў Мельбурне. Але апошнія два турніры беларуска правяла няўдала, вылецеўшы ў другім коле ў горадзе Доха і саступіўшы ў трэцім раўндзе ў Дубаі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com