ЕЗ рыхтуе для Украіны пакет вайсковай дапамогі на 20 мільярдаў еўраў

У Bloomberg раскрылі дэталі.

Еўрапейскі Звяз рыхтуе значны пакет дадатковай вайсковай дапамогі для Украіны. Ён плануецца на агульную суму блізу 20 мільярдаў еўраў (амаль 21 мільярд даляраў).

Аб гэтым паведамляе Bloomberg.

Дасведчаная з гэтым пытаннем крыніца распавяла заходнім СМІ, што ЕЗ спрабуе ўзгадніць такую дапамогу для ўкраінскага боку на фоне намаганняў прэзідэнта ЗША Дональда Трампа аб дасягненні хуткага мірнага ўрэгулявання з Расеяй.

Паводле звестак Bloomberg, ініцыятыва будзе накіравана:

на дастаўку артылерыйскіх боепрыпасаў,

сістэм супрацьпаветранай абароны,

ударных ракет высокай дакладнасці,

беспілотнікаў,

і іншай зброі.

Акрамя таго, зазначаецца, што пакет падтрымкі з боку Еўразвязу мае на мэце ўмацаваць украінскія вайсковыя брыгады.

Калі ў ЕЗ могуць узгадніць новы пакет дапамогі Украіне

«Блок імкнецца ўзгадніць прынцыповую ініцыятыву, адкрытую для ўнёскаў у натуральнай і наяўнай форме ад дзяржаў-чальцоў і хаўруснікаў-аднадумцаў, на сустрэчы міністраў замежных спраў на наступным тыдні, згодна з планамі людзей, якія гаварылі на ўмовах ананімнасці», - гаворыцца ў публікацыі Bloomberg.

Як паведамляе заходняе выданне, тады лідары Еўразвязу павінны ўзгадніць пытанне аб кошце і падпісаць пакет.

Разам з тым ёсць рызыка таго, што запланаваныя тэрміны могуць ссунуцца, бо Вугоршчына агучвала меркаванне, што выступіць супраць усякай новай вайсковай дапамогі Украіне. Акрамя таго, на часавы прамежак уплывае фактар выбараў у Нямеччыне, якія павінны адбыцца ў гэтую нядзелю.

Таксама Bloomberg піша, што ЕЗ спяшаецца з планамі падтрымкі Украіны і наданнем Кіеву гарантый бяспекі ў выпадку магчымага мірнага пагаднення з РФ і павелічэння ўласных выдаткаў на абарону з таго часу, як Вашынгтон узяўся за перамовы з Масквой.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com