WSJ: Расея можа прапанаваць ЗША радовішчы карысных выкапняў на акупаваных землях

Вашынгтон таксама патрабуе ад Масквы абмежаваць супрацоўніцтва з Кітаем.

Расея ў рамках мірнага пагаднення можа даць кампаніям ЗША права на радовішчы карысных выкапняў у часова акупаванай частцы Украіны.

Аб гэтым піша WSJ.

Адзначаецца, што на перамовах у Эр-Рыядзе была прапанова спыніць супрацоўніцтва РФ з Кітаем у рамках мірнага пагаднення на выгадных для Масквы ўмовах.

Акрамя гэтага, там змяшчаўся пункт аб тым, што Расея можа прапанаваць ЗША абмежаваць удзел Пекіна ў інфраструктурных праектах, якія ўмацуюць стратэгічныя магчымасці краіны.

«Таксама гаворка ідзе аб абяцанні Расеі абмежаваць аднаўленне экспарту прыроднага газу ў Еўропу, каб падарваць еўрапейскую канкурэнтаздольнасць і дазволіць продаж амерыканскага звадкаванага прыроднага газу, а таксама прапановы даць амерыканскім кампаніям права на радовішчы карысных выкапняў у акупаванай Украіне», – паказваюць у WSJ.

Як зазначае газета, такія ўмовы закліканыя звярнуцца да трансакцыйнага падыходу Трампа да міжнародных спраў.

Выданне адзначае, што раптоўнае захапленне Трампам Расеяй і Пуціным часткова абумоўленае стратэгічным жаданнем убіць клін паміж Масквой і Пекінам. Аднак аналітыкі адзначаюць, што расейцы мала чым могуць дапамагчы ў аслабленні Кітая. Да таго ж гэтыя дачыненні з'яўляюцца стратэгічнымі і сталымі, а ўсякае збліжэнне з Вашынгтонам фактычна з'яўляецца часовым, прынамсі, датуль, пакуль ЗША застаюцца дэмакратыяй.

Нагадаем, Зяленскі можа падпісаць пагадненне з ЗША аб здабычы карысных выкапняў 22 лютага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com