На кантрасце з Трампам: Келаг адказаў, на чыім баку ЗША

Спецпрадстаўнік ЗША напярэдадні наведаў вайсковы шпіталь пад Кіевам.

Спецпрадстаўнік ЗША ў пытаннях Украіны і РФ Кіт Келаг запэўніў, што ЗША на баку Украіны. З ягоных слоў, любая дамова з РФ павінна гарантаваць, што новай вайны не будзе.

Пра гэта паведамляе РБК-Украіна са спасылкай на Келага, якога цытуе Sky News.

Келаг напярэдадні наведаў вайсковы шпіталь у Ірпені пад Кіевам, дзе пагутарыў з параненымі ўкраінскімі вайскоўцамі. Спецпрадстаўнік ЗША ў сваім X (Twitter) назваў свой візіт у шпіталь «эмацыйным».

«Вось чаму прэзідэнт Трамп абсалютна мае рацыю адносна спынення гэтай вайны. Забойствы павінныя спыніцца», - напісаў Кіт Келаг.

Як піша Sky News, рыторыка Келага рэзка адрознівалася ад заяў прэзідэнта ЗША Дональда Трампа аб вайне РФ супраць Украіны.

Адзін з параненых украінскіх байцоў спытаў Келлога, «ці можам мы давяраць Расеі» падчас перамоў. Келаг адказаў, што «ўсе войны заканчваюцца перамовамі, канчатковая перамога на полі бою дасягаецца дыпламатыяй, і сённяшні мір не з'яўляецца выключэннем".

«Ці можаце вы давяраць людзям, якія з вамі, і быць упэўненымі, што яны з вамі? Гэта як калі б вы задалі глыбейшае пытанне: вы з намі? І адказ: так, мы з вамі», - заявіў спецпрадстаўнік ЗША.

Келаг таксама заявіў, што мэта любога мірнага пагаднення з Расеяй заключаецца ў тым, каб не дапусціць новай вайны ў будучыні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com