Трамп звольніў кіраўніка Аб'яднанага камітэта начальнікаў штабоў

Амерыканскі прэзідэнт правёў беспрэцэдэнтныя перастаноўкі ў вайсковым кіраўніцтве ЗША.

Амерыканскі прэзідэнт Дональд Трамп адправіў у адстаўку старшыню Аб'яднанага камітэта начальнікаў штабоў (АКНШ) УС ЗША Чарльза Браўна і яшчэ пяць адміралаў і генералаў падчас беспрэцэдэнтных перастановак у вайсковым кіраўніцтве краіны.

Кіраўнік Белага дома ў пятніцу, 21 лютага, паведаміў у сацсетцы Truth Social, што вылучыць генерала ВПС ЗША Дэна Кейна ў якасці пераемніка Браўна, піша «Нямецкая хваля».

Тым самым Трамп парушыў даўнюю традыцыю, у рамках якой новыя лідары Злучаных Штатаў як правіла захоўваюць прызначэнцаў папярэдніх адміністрацый на вышэйшых вайсковых пасадах, канстатавалі агенцтвы dpa і Reuters.

- Жадаю падзякаваць генералу Чарльзу… Браўну за яго больш за 40-летнюю службу нашай краіне <…> Ён - выдатны джэнтльмен і выбітны лідар, і я жадаю яму і яго сям'і вялікай будучыні, - адзначыў амерыканскі лідар.

- Генерал Кейн - дасведчаны пілот, эксперт у нацбяспецы, паспяховы прадпрымальнік і "баец" са значным досведам міжведамасных і спецыяльных аперацый, - дадаў ён.

Паводле версіі Трампа, падчас яго першага тэрміна Кейн адыграў важную ролю ў "поўным знішчэнні халіфата" тэрарыстычнай арганізацыі "Ісламская дзяржава" (ІГ) - гэта "было зроблена ў рэкордна кароткія тэрміны".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com