WSJ: Хаўруснікі ЗША ў Азіі не давяраюць Трампу

Палітык можа заключыць угоду з Сі Цзіньпінам пра спрэчныя тэрыторыі.

Рэзкая змена палітыкі Дональда Трампа ў мірных перамовах з Расеяй датычна вайны ва Украіне напалохала некаторых чыноўнікаў у Азіі і выклікала занепакоенасць з нагоды прыхільнасці ЗША бяспекі рэгіёну.

Як піша The Wall Street Journal, у гэтым месяцы адбылося кардынальнае змяненне палітыкі ЗША ў дачыненні да Расеі, і адміністрацыя Дональда Трампа пагадзілася пачаць з Масквой прамыя мірныя перамовы, пры гэтым выключыўшы з іх Украіну і яе еўрапейскіх хаўруснікаў. Такія дзеянні занепакоілі хаўруснікаў ЗША ў Азіі, зазначае выданне.

«На публіцы чыноўнікі Тайваня, Філіпінаў, Японіі і Паўднёвай Карэі, якія спадзяюцца на ЗША ў сваёй абароне, выказалі ўпэўненасць, што Вашынгтон падтрымае іх у выпадку агрэсіі з боку Кітая ці Паўночнай Карэі. Аднак у прыватным парадку некаторыя чыноўнікі выказалі непакой, што Трамп можа заключыць нейкую ўгоду з кітайскім лідарам Сі Цзіньпінам датычна спрэчных тэрыторыяў у Азіі або дазволіць ядзернай праграме Паўночнай Карэі заставацца пагрозай», – гаворыцца ў артыкуле.

Сярод іншага, Хуліа С. Амадор III, які працаваў у офісе прэзідэнта Філіпінаў у 2017 і 2018 гадах, заявіў, што нядаўнія дзеянні Вашынгтона ў дачыненні да Украіны засмуцілі частку сілавых структураў ягонай краіны. «У прыватным парадку вядуцца размовы, якія на самай справе паказваюць занепакоенасць», – сказаў ён.

Амадор сказаў, што іншыя краіны Паўднёва-Усходняй Азіі, якія былі больш асцярожныя ў дачыненні да далучэння да ЗША, магчыма, перажываюць момант кшталту «я ж гаварыў». Ён сказаў, што змена палітыкі ЗША ў Еўропе сігналізуе, што азіяцкія краіны павінны ўзяць на сябе адказнасць за сваю абарону.

Лін Куок, навуковая супрацоўніца Цэнтра даследаванняў азіяцкай палітыкі Інстытута Брукінгса ў Вашынгтоне, сказала, што Трамп у канчатковым выніку можа захацець эканамічнага ўрэгулявання з Кітаем і што ягоная пераарыентацыя датычна Украіны павінна прымусіць хаўруснікаў Амерыкі ў рэгіёне перадумаць.

«Калі Вашынгтон гатовы заключыць угоду з Пуціным за кошт Еўропы, – сказала яна. – Азія можа толькі спытаць, ці зробіць яна тое самае з Сі за кошт Азіі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com