У Польшчы павялічваецца колькасць працаўнікоў з Беларусі

Але тэмпы росту замарудзіліся.

У Польшчы афіцыйна працуюць як мінімум 134,9 тысячы грамадзян Беларусі. Столькі было выплачана пенсійнага страхавання на канец 2024 года. Гэта на 5,5 тысячы больш, чым годам раней. Хаця колькасць працаўнікоў з Беларусі ў Польшчы павялічваецца, тэмпы росту замарудзіліся. Цяперашні прырост - самы нізкі за апошнія восем гадоў. MOST вывучыў звесткі польскай Управы сацыяльнага страхавання (ZUS).

У канцы 2020 года ў ZUS было зарэгістравана 50,6 тысяч грамадзян Беларусі. А праз год іх было ўжо 71,2 тысячы (рост на 20,6 тысячы).

У канцы 2022 года ў сістэме сацыяльнага страхавання было зарэгістравана ўжо 108,1 тысяч беларусаў (рост адразу на 36,9 тысяч). Рэкордны паказчык быў абумоўлены вайной ва Украіне. Частка беларусаў, якія з'ехалі спачатку ў гэтую краіну, пасля пачатку баявых дзеянняў перабралася ў Польшчу. Але шмат хто з'ехаў з Беларусі з-за ўвядзення санкцый. Сваіх супрацоўнікаў, напрыклад, актыўна рэлакавалі IT-кампаніі.

Рост занятасці прадоўжыўся і ў 2023 годзе. Па выніках таго года колькасць беларусаў, якія працуюць у Польшчы, вырасла на 21,3 тысячы да 129,4 тысячы.

Цяпер жа тэмпы працаўладкавання беларусаў у Польшчы рэкордна знізіліся. Гэта можна растлумачыць як запаволеннем палітычнай эміграцыі, так і ўзмацненнем жорсткасці візавай палітыкі. Напрыклад, у студзені 2024 года Польшча закрыла праграму Poland Business Harbour, якая спрашчала ўмовы атрымання візы і легалізацыі для ІТ-спецыялістаў. Узмацніўся і кантроль за выдачай працоўных віз.

Як замежнікі працуюць у Польшчы

Усяго на канец 2024 года ў ZUS было зарэгістравана 1 190 000 замежнікаў. Больш за ўсё сярод іх грамадзян Украіны - 787,5 тысячы.

З усіх замежнікаў 688,3 тысячы працуюць з працоўнымі дамовамі (umowa o pracę), 434,1 тысячы працаўладкаваныя на аснове грамадзянска-прававых дамоў (umowa zlecenia) або праз агенцтвы, яшчэ 73,9 тысячы займаюцца прадпрымальніцкай дзейнасцю.

Іншаземцы, якія працуюць паводле дамовы падраду (umowa o dzieło), не падлягаюць абавязковаму сацыяльнаму страхаванню і не трапляюць у статыстыку ZUS.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com