Пяты з пачатку года расейскі «Суперджэт» зламаўся ў паветры

Самалёт выконваў рэйс з Екацярынбурга ў Маскву.

Пасажырскі самалёт Sukhoi Superjet 100 (SSJ-100), які выконваў рэйс з Екацярынбурга ў Маскву, прызямліўся ў сталічным аэрапорце «Шарамеццева» пасля адмовы радыёлакацыйнага абсталявання. Аб гэтым паведаміў ТАСС са спасылкай на крыніцы ў экстраных службах. Лайнер належыць авіякампаніі «Расія». Пасадка адбылася а 14:06 паводле маскоўскага часу, піша The Moscow Times .

Гэта ўжо пяты з пачатку года выпадак паломкі SSJ-100 расейскіх авіякампаній у паветры. Папярэдняя адбыўся 2 лютага, калі самалёт авіякампаніі «Азімут», які рухаўся рэйсам з Тбілісі ў Санкт-Пецярбург, здзейсніў змушаную пасадку ў аэрапорце Пулкава. Паводле інфармацыі авіякампаніі, спрацавала сігналізацыя аб няспраўнасці на борце, аднак крыніца «Известий» удакладніла, што перад пасадкай у лайнера ўзніклі праблемы з рухавіком. Ніхто з пасажыраў і экіпажа тады не пацярпеў.

Яшчэ адзін такі выпадак адбыўся 30 студзеня, калі самалёт авіякампаніі "Расея", які выконваў рэйс з Санкт-Пецярбурга ў Калінінград, быў вымушаны вярнуцца ў аэрапорт вылету праз спрацоўванне індыкатара пажару ў багажным адсеку. А 19 студзеня лайнер гэтай жа авіякампаніі з 72 пасажырамі на борце, які ляцеў з Масквы ў Саранск, здзейсніў экстраную пасадку ў «Шарамеццева» пасля спрацоўвання датчыка няспраўнасці шасі.

Яшчэ адзін інцыдэнт з удзелам SSJ-100 здарыўся 17 студзеня. Самалёт авіякампаніі Red Wings, які рухаўся ў Ерэван з 86 пасажырамі на борце, экстрана сеў у аэрапорце Мінеральных Вод. Як удакладнілі ў МНС, прычынай стала парушэнне працы сістэмы кандыцыянавання.

Павелічэнне колькасці авіяінцыдэнтаў з удзелам самалётаў расейскіх авіякампаній звязана з міжнароднымі санкцыямі, уведзенымі супраць РФ пасля поўнамаштабнага ўварвання ва Украіну. Абмежаванні ўскладнілі пастаўкі запчастак і тэхнічнае абслугоўванне паветраных суднаў. За 11 месяцаў 2024 года ў Расеі было зафіксавана 208 авіяінцыдэнтаў, што на 30 адсоткаў перавышае паказчыкі аналагічнага перыяду 2023 года. Гэты ўзровень стаў рэкордным за апошнія шэсць гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com