Брытанія рэкордна павышае выдаткі на абарону

Самы вялікі рост з часоў «халоднай вайны».

Прэм'ер-міністр Вялікай Брытаніі Кір Стармер абвясціў аб найбольшым павелічэнні выдаткаў на абаронныя патрэбы з часоў «халоднай вайны» і планы выйсці на 2,5% ВУП да 2027 года.

Як паведамляе «Еўрапейская праўда», пра гэта ён сказаў у пазачарговай прамове ў парламенце Злучанага Каралеўства перад ад'ездам у ЗША на перамовы з Дональдам Трампам.

Стармер заявіў, што перад краінай стаіць выклік маштабаў пакалення, і ён патрабуе такога ж маштабнага адказу і складаных пастаноў, якія будуць адчувальнымі «ў жыцці індустрыі і ў дамах брытанцаў».

«Мы павінны чэрпаць мужнасць з нашай гісторыі, мужнасць з таго, кім мы з'яўляемся як нацыя, бо мужнасць - гэта тое, чаго патрабуе ад нас наша эпоха», - адзначыў Кір Стармер.

Ён анансаваў найбольш паслядоўнае павелічэнне выдаткаў на абарону з часоў «халоднай вайны».

«Мы будзем выконваць абавязацельствы выконваць 2,5% ВУП на абарону. Але мы наблізім гэтую мэту, каб дасягнуць такога ўзроўню ў 2027 годзе», – абвясціў Стармер, дадаўшы, што гэта азначае, што з 2027 года Вялікая Брытанія будзе выдаткоўваць на абарону штогод на 13,4 млрд фунтаў стэрлінгаў больш. Разам з выдаткамі на дзейнасць выведвальных ведамстваў яны складуць нават 2,6% ВУП.

Прэм'ер дадаў, што далей - з кадэнцыі наступнага парламента - трэба разгледзець магчымасць павелічэння абаронных выдаткаў да 3% ВУП.

Таксама Стармер абвясціў, што ў сувязі з такімі зменамі давядзецца зрэзаць бюджэт на замежную дапамогу - ён павінен паменшыцца з цяперашніх 0,5% ВНД да 0,3% ВНД у 2027 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com