У Беларусі хочуць зносіць хрушчоўкі

Таксама лукашысты плануюць перасяляць людзей з гарадоў у вёскі.

Жыллёвая палітыка Беларусі да 2030 года прадугледжвае перасяленне гараджан у вёскі і знос хрушчовак. Пра гэта БелТА распавяла сябра сталай камісіі ў жыллёвай палітыцы, гандлі і будаўніцтве «палаты прадстаўнікоў» Анжаліна Сырамятнікава.

Цяпер Міністэрства архітэктуры і будаўніцтва распрацоўвае канцэпцыю дзяржаўнай жыллёвай палітыкі ў Беларусі да 2030 года.

Са слоў Сырамятнікавай, у гэтай канцэпцыі будуць тры асноўныя кірункі: дэурбанізацыя, рэнавацыя і павелічэнне аб'ёмаў будаўніцтва арэнднага жылля.

У буйных гарадах жадаюць будаваць менш кватэр. Цяпер прыярытэт будзе на гарады-спадарожнікі і вёскі. Гэта, на думку чыноўнікаў, дапаможа вярнуць кадры ў сельскую мясцовасць.

Тыя дамы, якія няма сэнсу рамантаваць, хочуць зносіць. Размова тут ідзе аб хрушчоўках. Рэнавацыю хочуць праводзіць «па шляху Расеі»:

«Гэта спадчына савецкага мінулага вычарпала сябе як маральна, бо мае малагабарытныя і прахадныя пакоі, так і фізічна - укладанне фінансавых сродкаў у капрамонт немэтазгоднае», - адзначыла Сырамятнікава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com