У Кангрэс ЗША ўнеслі праект рэзалюцыі ў падтрымку Украіны

Падрабязнасці.

У Палату прадстаўнікоў ЗША падалі праект рэзалюцыі ў падтрымку Украіны ў абароне ад расейскага ўварвання. Аўтарамі ініцыятывы з'яўляюцца сябры «Украінскага кокусу» ў Кангрэсе.

Пра гэта паведамляе амбасадарка Украіны ў ЗША Аксана Маркарава ў Facebook.

Яна адзначыла, што чальцы Палаты прадстаўнікоў прапанавалі на разгляд двухпартыйны праект рэзалюцыі «Аб ушаноўванні гераічных ахвяраў народа Украіны праз 3 гады пасля незаконнай і несправакаванай вайны прэзідэнта Расеі Уладзіміра Пуціна супраць Украіны 24 лютага 2022 года і аб прызнанні жудаснага кошту злачынстваў, якія Расея ўчыняла супраць чалавецтва цягам сваёй агрэсіі».

У прэамбуле дакумента падкрэсліваецца, што ўварванне Расеі ва Украіну пачалося ў 2014 годзе. Пры гэтым расейскі дыктатар пачаў поўнамаштабную вайну, каб захапіць усю тэрыторыю Украіны.

Таксама ў прэамбуле згадваюцца больш за 100 тысячаў вайсковых злачынстваў расейцаў супраць Украіны, дэпартацыя ўкраінскіх дзяцей у Расею і забойствы цывільных украінцаў, якія здзяйснялі акупанты.

У асноўнай частцы рэзалюцыі кангрэсмэны, сярод іншага, прапануюць:

пацвердзіць адданасць народу Украіны і катэгарычную падтрымку Украіны;

асудзіць расейскага дыктатара Уладзіміра Пуціна;

выказаць неабходнасць аднаўлення кантролю Украіны над часова акупаванымі тэрыторыямі;

пацвердзіць важнасць Будапешцкага мемарандуму і заклікаць Расею паважаць суверэнітэт і тэрытарыяльную цэласнасць Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com