Магчымы будучы канцлер нямеччыны Мэрц сустрэўся з Макронам

Палітык заявіў, што дзве краіны "могуць дасягнуць вялікіх рэчаў для Еўропы".

Фрыдрых Мэрц (Friedrich Merz) - кандыдат у канцлеры ФРГ ад блока ХДУ/ХСУ, які перамог на датэрміновых выбарах у бундэстаг, - у сераду, 26 лютага, сустрэўся ў Парыжы з прэзідэнтам Францыі Эмануэлем Макронам, паведамляе «Нямецкая хваля».

У сваім мікраблогу X Мерц выклаў фатаграфію, якая паказвае яго і Макрона са спіны, прычым прэзідэнт Францыі па-сяброўску паляпвае яго па плячы. «Дарагі Эмануэль Макрон, шчыры дзякуй за тваё сяброўства і твой давер да нямецка-французскіх дачыненняз. Разам нашыя краіны могуць дасягнуць вялікіх рэчаў для Еўропы», - напісаў кансерватыўны палітык на нямецкай і французскай мовах.

Пасля гутаркі ў Елісейскім палацы паміж Мэрцам і Макронам, якая доўжылася тры гадзіны, абодва палітыкі "прадэманстравалі волю да таго, каб пачаць новы раздзел у нямецка-французскіх стасунках", цытуе заяву блока ХДУ/ХСУ у сувязі з гэтым агенцтва dpa. У ім гаворыцца, што "перамовы прайшлі ў выключна прыязнай атмасферы, што была дасягнута вялікая згода ў шэрагу тэм і знойдзена мноства адпраўных кропак для супольных ініцыятыў".

Дадатковых падрабязнасцяў сустрэчы да моманту публікацыі не паведамлялася. Французскі бок яе пакуль не каментаваў.

Магчымыя тэмы гутаркі Мэрца і Макрона

Агенцтва dpa мяркуе, што адной з тэм гутаркі Макрона і Мэрца магла быць еўрапейская абарона. 24 лютага Дональд Трамп прыняў Макрона ў Белым доме. Падчас размовы двух лідараў прэзідэнт Францыі даў зразумець, што ўважае за неабходнае больш актыўна прыцягваць ЕЗ да перамоў аб заканчэнні вайны ва Украіне.

6 сакавіка павінен адбыцца нечарговы саміт ЕЗ, на якім плануецца абмеркаваць меры далейшай падтрымкі Украіны, а таксама меры для ўмацавання абараназдольнасці Еўразвязу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com