СБУ затрымала агента ФСБ

Ён рыхтаваў серыю падпалаў ключавых энэргетычных аб'ектаў.

Служба бяспекі Украіны працягвае актыўную барацьбу з расейскімі агентамі. На гэты раз у Крапіўніцкім быў затрыманы зламыснік, які рыхтаваў серыю падпалаў ключавых энэргетычных аб'ектаў рэгіёну.

Пра гэта паведамляе прэс-служба СБУ ў Telegram.

Завербаваны агент праводзіў выведку паблізу электрападстанцыі, якая забяспечвае энэргіяй абласную лякарню і некалькі падраздзяленняў Сіл абароны. Як высветліла следства, яго мэтай было адключэнне электраэнэргіі на гэтых аб'ектах, што магло прывесці да сур'ёзных наступстваў для мясцовых вайскоўцаў і медыцынскай установы.

Дапаможнік акупантаў збіраў інфармацыю аб тэхнічным стане і ахове энэргааб'ектаў, якую затым перадаваў свайму расейскаму куратару для «ўзгаднення» падпалу. Акрамя таго, ён даваў ворагу геалакацыі патэнцыйнага размяшчэння ўкраінскіх абаронцаў.

Падчас вобшуку ў затрыманага быў канфіскаваны мабільны тэлефон з доказамі ягонай злачыннай дзейнасці. Служба бяспекі ўжо выставіла яму падазрэнне ў дзяржаўнай здрадзе. Шпіён знаходзіцца пад вартай, яму пагражае пажыццёвае зняволенне з канфіскацыяй маёмасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com