Туск адказаў на заяву Трампа пра ЕЗ
13- 27.02.2025, 15:21
- 9,908

Прэзідэнт ЗША пагражае Еўропе «тарыфнай вайной».
Прэм'ер-міністр Польшчы Дональд Туск запярэчыў прэзідэнту ЗША Дональду Трампу і запэўніў, што мэтай Брусэля не з'яўляецца падмануць Злучаныя Штаты.
Аб гэтым ён напісаў у X (Twitter).
Прэм'ер Польшчы, якая ў гэтым паўгоддзі старшынюе ў Радзе ЕЗ, выступіў пасля таго, як Дональд Трамп паабяцаў увесці 25% мыты на тавары з Еўразвяза.
«ЕЗ быў створаны не для таго, каб кагосьці падмануць. Зусім наадварот. Ён быў створаны, каб падтрымліваць мір, будаваць павагу паміж нашымі народамі, ствараць свабодны і сумленны гандаль і ўмацоўваць наша трансатлантычнае сяброўства. Вось так проста», - напісаў Туск.
The EU wasn’t formed to screw anyone. Quite the opposite. It was formed to maintain peace, to build respect among our nations, to create free and fair trade, and to strengthen our transatlantic friendship. As simple as that. 🇪🇺🇺🇸
— Donald Tusk (@donaldtusk) February 27, 2025