Расея не можа прадаць дыяманты на $1,3 мільярда

Праз санкцыі.

Дзяржкарпарацыя «Алроса», якая трапіла пад заходнія санкцыі, найбуйнейшая ў Расеі і ў свеце вытворца дыямантаў, сутыкнулася з рэзкім ростам запасаў нераспрададзеных камянёў, паведамляе The Moscow Times.

На канец 2024 года на балансе «Алросы» назапасілася нерэалізаванай прадукцыі на 129,9 млрд рублёў, або $ 1,3 млрд (паводле курсу ЦБ на канец снежня), вынікае з апублікаванай у пятніцу справаздачы кампаніі МСФС.

За год запасы дыямантаў «Алросы» падскочылі ў 1,5 разы, або на 45,3 млрд рублёў пасля таго, як іх набыццё практычна спыніла Індыя – найбуйнейшы ў свеце імпарцёр. У верасні спад паставак на індыйскі рынак дасягаў 96 адсоткаў.

Паводле вынікаў года «Алроса» дала справаздачу пра страту 26% прыбытку, амаль паловы EBITDA і падзенне чыстага прыбытку ў 4,4 разы, да 19,3 млрд рублёў. Вынікі кампаніі «чакана слабыя», канстатуе аналітык ПСБ Яўген Лакцюхоў: другое паўгоддзе «Алроса» закончыла з чыстай стратай на 17,3 млрд рублёў, а год – з касавым разрывам. Яе свабодная грашовая плынь стала адмоўнай: паступленні на рахункі былі меншыя за адток на 17,6 млрд рублёў, а чыстая запазычанасць патроілася і дасягнула 107,9 млрд рублёў.

На бізнэс «Алросы» ціснуць зніжэнне попыту на ювелірныя ўпрыгажэнні, значныя запасы дыямантаў у аграннікаў, павышэнне ключавой стаўкі ЦБ, інфляцыя і павышэнне падатку на прыбытак, пералічвае кампанія ў справаздачы.

З 2022 года «Алроса» знаходзіцца пад заходнімі санкцыямі, а з пачатку 2024 года краіны G7 увялі эмбарга на яе дыяманты. З сакавіка мінулага года таксама забаронены імпарт дыямантаў расейскага паходжання праз трэція краіны.

У лістападзе кіраўнік «Алросы» Павел Марынічаў паведаміў, што кампанія будзе вымушаная прыпыніць распрацоўку некаторых найменш рэнтабельных, а таксама скараціць частку супрацоўнікаў. «Алроса», паводле словаў Марынічава, зменшыць фонд аплаты працы на 10% за кошт аплаты кіраўнікоў, спецыялістаў і службоўцаў, а таксама ўвядзе няпоўны працоўны дзень і адпачынкі за свой кошт.

«Галіна цяпер перажывае чарговы крызіс. Гэты крызіс даволі глыбокі, – скардзіўся Марынічаў. – Мы цяпер, вядома, у такім даволі няпростым стане знаходзімся. <…> І ў сувязі з гэтым мы знаходзімся ў перыядзе, калі вымушаныя займацца аптымізацыйнымі мерапрыемствамі».

Падставаў для істотнага паляпшэння сітуацыі на рынках дыямантавай прадукцыі пакуль не відаць, адзначае Лакцюхоў з ПСБ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com