«Гаворка ідзе пра набіванне кішэняў Лукашэнкі»

Улады хочуць перасадзіць беларусаў на «Белджы».

Прэм'ер Раман Галоўчанка падпісаў пастанову аб выраўноўванні ставак утылізацыйнага збору на аўто з Расеяй. Беларусам дорага абыдуцца інтэграцыйныя памкненні рэжыму, піша чытач сайта Charter97.org.

- Для аўтадылераў тарыфы на ўтылізацыю павялічацца ўдвая, а на электракар - у 42 разы. Такія ж тарыфы будуць дзейнічаць для фізічных асоб, якія завозяць аўто для перапродажу. За новц легкавік з рухавіком 1000-2000 см спатрэбіцца заплаціць 23 тыс.руб. замест 11 645.

Дылеры закладуць утыльзбор у кошт аўто, плаціць давядзецца простым беларусам.

Як мяркуецца, у Беларусі самы высокі ўзрост аўтамабіляў у Еўропе. Меркавана, бо Белстат старанна хавае гэтую інфармацыю. Сярэдні ўзрост аўто ў краіне, магчыма, 22 гады. Вядома, што да 2014 года ў краіне аўтамабіляў старэйшых за 20 гадоў было менш за 20%. А ў 2022 у «самай сацыяльнай дзяржаве» іх ужо стала больш за 55%.

У сацсетках з'яўляюцца відэа аўтамабіляў, якія развальваюцца на хаду.

Такі ўзрост аўто звязаны не з любоўю беларусаў да рарытэтаў, а з збядненнем людзей.

Новыя мыты робяць пакупку старых аўто нявыгаднай. Моцныя гаспадарнікі хочуць прымусіць беларусаў купляць прадукцыю «Белджы», да якой шмат пытанняў у прапорцыі кошт-якасць, камфорт, экалагічнасць. Інтарэсы беларусаў другарадныя, калі гаворка ідзе пра набіванне кішэняў Лукашэнкі і ўзбагачэнне кітайскіх акцыянераў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com